Dr Kirsty Hooper,
|
Por que este proxecto? A
erradicación da muller da narrativa cultural española dos comezos do século XX
é un feito xa previsto en 1910 pola escritora Sofía Casanova, que se laiou da
desaparición da muller da cultura española “como Atlántida que devoró el
mar”. Non obstante, e como ben sabía Casanova, un gran número de mulleres da
fin do século participaron plenamente nos debates sociais e culturais da súa
época, aínda que os seus nomes queden ausentes dos espazos institucionais da
cultura moderna española. O presente proxecto, “Intelectuais españolas,
1890-1920” xorde da convicción de que o que máis falla é unha visión
elemental do campo. Por iso, o primeiro obxectivo do proxecto é facilitar o
acceso aos (moitas veces escasos) datos biográficos e bibliográficos que
temos sobre as mulleres desta época, centrándonos nunha base de datos
electrónica que, de momento, inclúe os nomes dunhas 250 mulleres, algunhas xa
coñecidas, pero a maioría completamente esquecidas.
De esquerda a dereita: Gimeno, Acuña, Dato, Biedma, Casanova, de los Ríos,
de la Prada De que trata o proxecto? Aínda
que sabemos pouco delas, moitas mulleres españolas da fin do século lían,
escribían, publicaban e comentaban temas de interese individual, social,
local e nacional. Parece evidente que se queremos chegar a entender a
cultura intelectual feminina na súa relación coa cultura intelectual tanto
rexional como nacional, fai falta tomar en conta non só as escritoras
académicas e literatas, senón tamén as autoras de textos devotos e
autobiográficos, infantís e de conducto; xornalistas, tradutoras, pedagogas e
as outras que contribuíron en distintas maneiras á formación da España
moderna. A inmensidade de vidas e obras esquecidas que aparecen ás veces nos
arquivos e catálogos, pero máis frecuentemente á marxe dos espazos
institucionais da cultura dominante, revélanos unha cultura intelectual
feminina que transcende os límites convencionais entre o público e o privado
e que nos fai cuestionar as definicións consagradas de termos fundamentais
como “literatura”, “calidade”, “influencia” e bo/a “escritor/a”. Como
funciona? A primeira fase do proxecto consiste en recoller datos
biográficos e referencias bibliográficas, e en proporcionar ligazóns a xa
existentes materiais primarios e secundarios. Non importa(n) a(s) lingua(s)
en que están escritos: recollemos información sobre mulleres de todas partes
de España (pode que haxa máis información, de momento, de mulleres galegas e
asturianas). O contido das páxinas particulares de autoras depende dos
recursos que temos á man, pero a lista crece día a día. Volvan
axiña! |
O obxectivo deste proxecto é facilitar o acceso a
información bio-bibliográfica sobre intelectuais españolas da fin de século.
Alegraríanos recibir comentarios e suxerencias de autoras, datos, traballos e
ligazóns. Se queren saber máis, en canto sexa posible proveremos máis
información: non dubiden en enviar un correo! Total: 310 Novas
páxinas particulares
Enlaces |
Agradezo a Montse Pena Presas a súa axuda
coa corrección
Páxina actualizada por Kirsty Hooper 01/09/10